Претприемач на годината 2015

In this article:

На ден 18.12.2015 година (петок), во хотелот „Александар Палас“ во Скопје, беа доделени награди за најуспешните претприемачи на микро и мали претпријатија во Република Македонија. Наградата се доделува по 9-ти пат, а целта е да се поттикне претприемачкиот дух во земјата, преку промоција на успешни примери.

Во категоријата мали претпријатија првата награда им припадна на Томо Ѓоргиески и Петар Василески, менаџери на компанијата Ламинати Ком од Прилеп, а втората на Дејан Трајчев, менаџер на компанијата Дени Милк од Кочани.
Првата награда во категоријата микро претпријатија му е доделена на Ељмедин Адеми,менаџер на компанија Скрин Медиа, а втората на Владимир Јосифовски, менаџер на компанијата Кала Плакат.

Во двете категории, прво наградените претприемачи добија златни статуетки и ваучер
наменет за маркетинг активности во износ од 50.000 денари, а второ наградените добија
сребрени статуетки и ваучер наменет за маркетинг активности во износ од 25.000 денари.

Оваа година, Министерството за економија, додели специјално признание за најдобра жена претприемач за 2015 г. Признанието и припадна на Анета Мустафоска управител на
компанијата Исиглас од Скопје.

Претселекцијата за избор на „Претприемач на годината – 2015“ беше направена врз основа  на податоците од Централниот регистар на РМ. Имено, 48 микро и мали претпријатија, во периодот од 2012 до 2014 година, имаат реализирано раст по основ на број на вработени,вкупни приходи, добивка и инвестиции. Крајниот избор вклучи претприемачи кои изразија интерес за доставување податоци преку прашалник, посета на терен, анализа и бодирање, согласно однапред утврдени критериуми (посветеност на сопствена и обука на неговите вработени, маркетинг и стратегија на раст, инвестиции во истражување, развој и иновации и др.), и кои беа избрани за најдобри.

Главни организатори на Претприемач на годината 2015 се Сојузот на стопански комори на
Македонија, Македонската развојна фондација за претпријатија и Стопанската комора на
северозападна Македонија. Ко-организатор е Националниот центар за развој на иновации и претприемачко учење. Организатор и институционален покровител е Министерството за економија на Република Македонија. Спонзор на настанот беше Штедилница Можности.

 

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp

Share this post

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp

Recent articles

Featured articles