Националниот центар за развој на иновации и претприемачко учење (НЦРИПУ) е основан во ноември 2009 година со финансиска поддршка од Австриската Развојна Соработка – Austrian Development Cooperation (ADC). Центарот се развива под препораките на проектот „Соработка на агенциите за финансирање и поддршка на иновации во Југоисточна Европа“ (South-East Europe Co-operation of Innovation and Finance Agencies). Оваа мрежа се стреми кон зајакнување на капацитетите за ефективно овозможување на иновациска, технолошка и финансиска поддршка на микро, мали и средни претпријатија.
НЦРИПУ е дизајниран како центар отворен за иновативни, технолошки-базирани и профитно-ориентирани идеи.
Визија:
Центарот да стане национален лидер во процесите за создавање конкурентна економија базирана на иновативно знаење и претприемачко размислување.
Мисија:
Промоција, поддршка и развој на иновациите и претприемачкото учење, со цел намалување на невработеноста преку формирање нови иновативни бизниси и зајакнување на секторот на мали и средни претпријатија во Република Македонија.
Цели на НЦРИПУ:
- Зајакнување на инфраструктурата за поддршка на иновации
- Зголемување на конкурентноста на малите и средни претпријатија
- Формирање нови бизниси базирани на знаење
- Зголемување на бројот на малите и средни претпријатија и нивното учеството во БДП
- Воведување претприемачко учење на сите нивоа на образование
- Промовирање на концептот на доживотно претприемачко учење
- Зајакнување на соработката помеѓу универзитетите и стопанството
- Промоција на јавно – приватно партнерство
- Поддршка на кластерите во Република Македонија
