Почитувани,
Националниот центар за развој на иновациите и претприемачкото учење (НЦРИПУ) и Бизнис старт-ап Центарот при Машинскиот факултет, УКИМ, во втората половина на 2015 година како дел од „Проектот за развој на вештини и поддршка на иновации“ на Министерството за образование и наука и Светска Банка, а во соработка со Бирото за развој на образованието, реализираше обуки за новите наставни програми по предметите „Иновации“ во IX одделение од основното образование, „Иновации и претприемништво“ за I, II и III година и „Бизнис и претприемништво“ за IV година во гимназиското и средно уметничкото образование.
За наставниците кои не ја поминаа обуката во 2015 година, а треба да го предаваат предметот во 2016/2017 година, се организира дополнителна обука на 03.09.2016 година (САБОТА) во просториите на Машинскиот факултет (нова зграда, дел за хомологација) III кат со почеток во 09:30 часот и ќе трае до 17:30.
Ве молиме да го пријавите вашето присуство најдоцна до 31.08.2016 (СРЕДА), до крајот на работниот ден со пополнување следниот формулар.
Секој учесник ќе добие сертификат за учество.