Националниот центар за развој на иновации и претприемачко учење (НЦРИПУ) распишува оглас за хонорарна работна позиција во времетраење од 01.08.2017 до 27.12.2017.
Главната цел на проектот е поттикнување на социјалната инклузија на младите Роми преку обуки за социјално младинско претпримништво. Проектот се стреми да ги оспособи Ромите и младите кои не се во работен однос, образование или обуки активно да учествуваат во социјалниот живот и да се креира околина за понатамошен младински развој на социјалното претприемништво во Македонија.
Работната позиција е Проектен менаџер со договор на дело со скратено работно време (55% од работното време или 22 часа неделно). Активностите на проектниот менаџер се состојат од:
- Координација на проектните активности, вклучувајќи и доделување одговорности на проектниот тим и обезбедување висок квалитет во имплементираните активности;
- Координација помеѓу членовите на конзорциумот и другите чинители;
- Надгледување и контрола на квалитетот, вклучувајќи и анализи на евалуациите и преземените мерки за ублажување на ризиците;
- Надгледување на активноста на канцелариите за социјално претприемништво;
- Подготовка на извештаи.
Потребни квалификации:
- Универзитетска диплома;
- Најмалку 3 години работно искуство;
- Искуство со работење на проекти;
- Познавање на англиски јазик;
- Познавање на компјутерски софтвер (Microsoft Office, користење на интернет и сл.);
- Комуникациски вештини;
- Способност за работење во тим.
Повикот е отворен пет работни дена, заклучно со петок, 28.07.2017 до 16:00 часот. Заинтересираните кандидати треба да ги испратат своите кратки биографии на следната емаил адреса: info@ncdiel.mk. Селекцијата ќе се одвива преку недискриминирачки транспарентен процес на интервјуа. Само апликантите кој ќе бидат повикани на интервју ќе бидат исконтактирани.