Натпревар Get In The Ring 2017 за средношколци

In this article:

Почитувани,

Националниот центар за развој на иновации и претприемничко учење (НЦРИПУ) во соработка со Бирото за развој на образованието, Министерството за образование и наука на РМ, Министерството за економија на РМ, Град Скопје, претставништвото на Холандската стопанска комора во Македонија и главниот покровител на настанот фондацијата Македонија 2025, и во 2017 година го организираат натпрeварот „Get In The Ring за средни училишта“. На натпреварот ќе бидат обезбедени награди за победниците, како и сертификати за тимовите и менторите кои ќе се пласираат во полуфиналето на натпреварот (16-те најдобри тимови кои ќе ги избере стручното жири).

Од секое училиште можат да се пријават максимум до 2 тима од ученици кои се во завршните години (III и IV година), додека секој тим може да се состои од максимум 4 ученици (+ментор/и).

Системот на натпреварување подразбира презентирање на бизнис концептот преку т.н. „двобој во ринг“, односно „битки“ составени од по 5 рунди (30-60 секунди по тим за одговор), на следните теми:

  1. „За тимот“
  • Да се презентира тимот, да се објаснат нивните вештини и искуства
  • Зошто вашиот тим е подобар од другите, и зошто баш вашиот тим би ја преточил бизнис идејата во успешна компанија
  1. „Достигнувања“
  • Што е постигнато до сега од страна на членовите на тимот
  • Може да опфати: индивидуални искуства на учениците, учество на други натпревари, учество во проектни задачи или други практични активности.
  • Ако учениците имаат освоено некои награди, ова е право време да се споменат
  1. „Бизнис модел и пазар“
  • Објаснете го вашиот бизнис, бизнис моделот кој го користите и пазарот на кој настапувате
  • Маркетинг стратегија
  • Конкуренција, на кој начин вие сте подобри од конкурентските компании
  1. „Финансии и предлог за инвестициите“
  • Финансиска ситуација во која се наоѓа стартап-от
  • Барањето за инвестиција
  • Освен финансиски средства, што друго ви е потребно?
  • Колкав дел од сопственоста на компанијата нудите за бараната инвестиција?
  • Како ќе бидат потрошени парите од инвеститорите?
  • Проекција каде ја замислувате вашата компанија после 3 или 5 години?
  1. „Слободен стил“
  • На натпреварувачите им е дозволено да зборуваат на било која тема и да покријат информации кои немаа можност претходно да ги споменат
  • Ова е последен напор да се убеди инвеститорот (жирито)
  • Може дури да вклучи и кратка демонстрација на производот (прототипот)
  • Целта е да се убеди жирито во суштината на постоењето и неопходноста од бизнисот

По завршувањето на рундите, жирито има 5 минути за поставување на прашања на секој од тимовите, по што го избира победникот на битката. Победниците од секоја од битките (вкупно 8 тимови) ќе се пласираат на финалниот натпревар.

Важни датуми:

23.09.  –  05.10.2017 г – пријавување на по максимум два тима од училиште на емаил адреса info@ncdiel.mk [Име на училиште , листа на натпреварувачи (максимум 4) и ментор(и)]

07.10.2017 г –  Oбука на која ќе се работи на подобрување на презентациските вештини кај учениците од пријавените тимови. Исто така, тимовите ќе бидат информирани како да ја пополнат кратката онлајн апликација за натпреварот „Get In The Ring за средни училишта“ и како најдобро да ја претстават својата бизнис идеја (почеток во 11:00 часот на Машински факултет).

18.10.2017 г – доставување на бизнис концептите во темплејт формулари на следниот линк https://goo.gl/forms/Az3zguiXrBd0whvm1

27.10.2017 г – Полуфинален натпревар (почеток во 11:00 часот на Машински факултет)

31.10.2017 г – Финален натпревар (8 најдобри тимови) – Скопски саем – управна зграда (почеток 10:00)

За дополнителни информации, ве молам контактирајте не на нашата е-маил адреса (info@ncdiel.mk), или на тел. броеви: 075 260 818 (Теодора) и 070-817-240 (Момир).

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp

Share this post

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp

Recent articles

Featured articles